ഗൂഡല്ലൂര്‍: സമന്വയ വിദ്യാഭ്യാസ മേഖലയില്‍ നീലഗിരി ജില്ലയിലെ ഏക സ്ഥാപനമായ ജി.ടി.എം.ഒ സയ്യിദ് മുഹമ്മദ് അലി ശിഹാബ് തങ്ങള്‍ അറബിക് കോളജിന് തമിഴ്‌നാട് പ്ലസ്ടു പരീക്ഷയില്‍ തിളക്കമാര്‍ന്ന വിജയം.
പട്ടിക്കാട് ജാമിഅ:നൂരിയ്യ അറബിക് കോളജുമായി അഫ്‌ലിയേറ്റ് ചെയ്ത ഈ സ്ഥാപനത്തില്‍ നിന്ന് ഈ വര്‍ഷമാണ് ആദ്യ ബാച്ച് പ്ലസ്ടു പരീക്ഷ എഴുതുന്നത്. ഉന്നത മാര്‍ക്കോടെയാണ് വിജയം. വിജയികളെയും അധ്യാപകരെയും പ്രസിഡന്റ് കെ.പി മുഹമ്മദ് ഹാജി, ജനറല്‍ സെക്രട്ടറി അബ്ദുല്‍ ബാരി ഹാജി, ട്രഷറര്‍ സുബൈര്‍ ഹാജി, കമ്മിറ്റി അംഗങ്ങള്‍ എന്നിവര്‍ അഭിനന്ദിച്ചു. അടുത്ത അധ്യയന വര്‍ഷത്തേക്ക് പുതുതായി 40 വിദ്യാര്‍ഥികള്‍ക്ക് കൂടി അഡ്മിഷന്‍ നല്‍കാനും തീരുമാനിച്ചു. പ്രവേശന പരീക്ഷ 23ന് ഉച്ചയ്ക്ക് രണ്ടിന് നടക്കും. വിശദ വിവരങ്ങള്‍ക്ക് 09585837486 എന്ന നമ്പറില്‍ ബന്ധപ്പെടണം.