കൊല്ലങ്കോട് : തമിഴ്‌നാട്ടില്‍ നിന്നും കേരളത്തിലേക്ക് ബസില്‍കടത്തിയ കഞ്ചാവ് ഗോവിന്ദാപുരം ചെക്ക് പോസ്റ്റില്‍ ചിറ്റൂര്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടീം നടത്തിയ പരിശോധനയില്‍ 1.750 കിലോഗ്രാം കഞ്ചാവ് പിടികൂടി. തമിഴ്‌നാട് ദിണ്ഡിക്കല്‍ സ്വദേശി ഗുരുനാഥനെ(32) എക്‌സൈസ് സംഘം അറസ്റ്റു ചെയ്തു. തൃശൂരിലേക്കാണ് കഞ്ചാവ് കടത്തിയത്. മധുരയില്‍ നിന്നും തൃശ്ശൂരിലേക്ക് സര്‍വീസ് നടത്തുന്ന തമിഴ്‌നാട് സര്‍ക്കാരിന്റെ ബസില്‍ നിന്നാണ് കഞ്ചാവ് പിടികൂടിയത.് എക്‌സൈസ് ചിറ്റൂര്‍ സര്‍ക്കിള്‍ ഇന്‍സ്‌പെക്ടര്‍. അനില്‍കുമാര്‍, പ്രിവന്റീവ് ഓഫിസര്‍ നാരായണന്‍ രാജേഷ്, സി.ഇ.ഒ.മാരായ ബാബു, മുഹമ്മദ് ഷെഫീഖ്, സുഭാഷ്, ശശികമാര്‍, രാകേഷ് എന്നിവര്‍ ചേര്‍ന്നാണ് പിടികൂടിയത്.