പാണ്ടിക്കാട്: കഴിഞ്ഞ ദിവസം രാവിലെയുണ്ടായ ശക്തമായ കാറ്റില്‍ പഞ്ചായത്തിലെ വിവിധയിടങ്ങളില്‍ കൃഷിനാശം. പയ്യപറമ്പ്, മുക്കട്ട, കോണിത്താക്ക്, ചെമ്പ്രശ്ശേരി പ്രദേശങ്ങളില്‍ വാഴ, റബര്‍, കമുങ്ങ് തുടങ്ങിയ വിളകള്‍നശിച്ചു. പയ്യപറമ്പിലെ മുണ്ടര്‍ കുളത്തിങ്ങല്‍ വാസു മാസ്റ്റര്‍, പൊറ്റയില്‍ അബ്ദുള്ള, പൊടുവണ്ണി മമ്മുട്ടി എന്നിവരുടെ കൃഷിയിടങ്ങളിലെ നൂറിലേറെ വാഴകളാണ് കാറ്റില്‍ നിലംപൊത്തിയത്. കാരായ ഓട്ടുപാറക്കുന്നിന് കിഴക്കുഭാഗത്തെ വാഴത്തോട്ടങ്ങളിലും കൃഷിനാശമുണ്ടായിട്ടുണ്ട്. പലയിടങ്ങളിലും റബര്‍ മരങ്ങളും പൊട്ടിവീണിട്ടുണ്ട്.പ്രകൃതി ക്ഷോഭത്തില്‍ വിളനാശം നേരിട്ടതിനാല്‍ സഹായത്തിന് കൃഷി ഭവനില്‍ അപേക്ഷ സമര്‍പ്പിക്കുന്നതിനുള്ള ഒരുക്കത്തിലാണ് കര്‍ഷകര്‍.