കൊയിലാണ്ടി: മാഹിയില്‍ നിന്നും ഓട്ടോറിക്ഷയില്‍ കടത്തുകയായിരുന്ന മദ്യവുമായി രണ്ടുപേര്‍ അറസ്റ്റില്‍.
വടകര അഴിയൂര്‍ കോറോത്ത് റോഡില്‍ തിരുത്തി പുറത്ത് സുജിത് (37), മാഹി സ്വദേശി കൊന്നാരി വീട്ടില്‍ നൈജില്‍ എന്ന ബിബിന്‍ രാജ് (25) എന്നിവരെയാണ് കൊയിലാണ്ടി എക്‌സൈസ് പിടികൂടിയത്.
ദേശീയപാതയില്‍ മന്ദമംഗലത്ത് വാഹനപരിശോധന നടത്തുന്നതിനിടെയാണ് പിടിയിലായത്. 54 ലിറ്റര്‍ വിദേശമദ്യമാണ് ഇവരില്‍ നിന്നും പിടികൂടിയത്. അസി. എക്‌സൈസ് ഇന്‍സ്‌പെക്ടര്‍ മനോഹരന്റെ നേതൃത്വത്തില്‍ നടത്തിയ പരിശോധനയില്‍ പ്രിവന്റീവ് ഓഫിസര്‍ കെ.സി കരുണന്‍, സിവില്‍ എക്‌സൈസ് ഓഫിസര്‍മാരായ അജയകുമാര്‍, ശിവകുമാര്‍, ഡ്രൈവര്‍ പ്രത്യൂഷ് നേതൃത്വം നല്‍കി.