ചെര്‍ക്കള: നഗര വികസന പ്രവര്‍ത്തിയിലെ അപാകതകള്‍ പരിഹരിക്കണമെന്നു ചെര്‍ക്കള ടൗണ്‍ മുസ്‌ലിം ലീഗ് കമ്മിറ്റി ആവശ്യപ്പെട്ടു. ശാസ്ത്രീയമായ സര്‍ക്കിളുകള്‍ സ്ഥാപിച്ചു ഗതാഗത സൗകര്യങ്ങള്‍ പൂര്‍ണമായും ഒരുക്കി വികസന പ്രവര്‍ത്തികള്‍ എത്രയും പെട്ടെന്നു പൂര്‍ത്തിയാക്കണമെന്നും അറിയിച്ചുകൊണ്ട് അധികൃതര്‍ക്കു നിവേദനം നല്‍കി. യോഗം ജില്ലാ പ്രസിഡന്റ് ചെര്‍ക്കളം അബ്ദുല്ല ഉദ്ഘാടനം ചെയ്തു.
ആമു തായല്‍ അധ്യക്ഷനായി. സി.എച്ച് മുഹമ്മദ് കുഞ്ഞി, അബ്ദുല്ല കുഞ്ഞി, അഡ്വ. സി.എന്‍ ഇബ്രാഹിം, അബൂബക്കര്‍ സാലുദ് നിസാമി, ഹാരിസ്, സി.എ അഹമ്മദ് ഖബീര്‍, ഇഖ്ബാല്‍, സി.ബി അബ്ദുല്ല ഹാജി, മനാഫ് എടനീര്‍ സംബന്ധിച്ചു.
ഭാരവാഹികളായി കെ അബ്ദുല്ല (പ്രസി), ഇഖ്ബാല്‍ (ജന.സെക്ര), സി.പി മൊയ്തു മൗലവി(ട്രഷ) തെരഞ്ഞെടുത്തു.