അഞ്ചല്‍: അജ്ഞാതവാഹനമിടിച്ച് ലോഡിങ് തൊഴിലാളി മരിച്ചു. ആയൂര്‍ നടുക്കുന്ന് അനിതവിലാസത്തില്‍ വിജയന്‍പിള്ള(55)യാണ് മരിച്ചത്. വെള്ളിയാഴ്ച രാത്രി ഒന്‍പതോടെ അഞ്ചല്‍-ആയൂര്‍ റോഡില്‍ കൈപ്പള്ളിമുക്കിന് സമീപത്തെ വലിയ വളവിലാണ് സംഭവം.
റോഡിന് വശത്തുകൂടി നടന്നുപോവുകയായിരുന്ന വിജയന്‍പിള്ളയെ ഇടിച്ചിട്ടശേഷം വാഹനം നിര്‍ത്താതെ പോവുകയായിരുന്നു. ഇതുവഴി കടന്നുപോയ മറ്റ് വാഹനങ്ങളിലെ യാത്രക്കാരും നാട്ടുകാരും ചേര്‍ന്ന് വിജയന്‍പിള്ളയെ പുനലൂര്‍ താലൂക്ക് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. അഞ്ചല്‍ പൊലിസ് സ്ഥലത്തെത്തി മേല്‍നടപടികള്‍ സ്വീകരിച്ചശേഷം കേസ് രജിസ്റ്റര്‍ ചെയ്തു.
സുശീലയാണ് ഭാര്യ. മക്കള്‍: അനിത, അജിത. മരുമകന്‍: അനില്‍.
തോട്ടില്‍
മരിച്ചനിലയില്‍
അഞ്ചല്‍: മധ്യവയസ്‌കനെ വീടിന് സമീപത്തെ തോട്ടില്‍ മരിച്ചനിലയില്‍ കണ്ടെത്തി. തടിക്കാട് കേഴമ്പള്ളി മൂലയില്‍ മദനഭവനില്‍ കുശ(48)നാണ് മരിച്ചത്.
കൂലിവേല തൊഴിലാളിയായിരുന്നു കുശന്‍. ഭാര്യ: വസന്ത. മക്കള്‍: മദനന്‍, മഞ്ജു.