കളമശ്ശേരി: എസ്.കെ.എസ്.എസ്.എഫ് കളമശേരി മേഖലാ ഇന്റര്‍കോണ്‍ ഇന്ന് രണ്ട് മുതല്‍ പത്തടിപ്പാലം പി.ഡബ്ല്യു.ഡി റസ്റ്റ് ഹൗസ് ഓഡിറ്റോറിയത്തില്‍ നടക്കും. ഇന്റെര്‍കോണ്‍ കളമശ്ശേരി നഗരസഭാ വൈസ് ചെയര്‍മാന്‍ ടി.എസ് അബൂബക്കര്‍ ഉദ്ഘാടനം ചെയ്യും. മേഖലാ പ്രസിഡന്റ് പി.എച്ച് അജാസ് അധ്യക്ഷത വഹിക്കും.
അല്‍ഹാഫിള് ഉസ്മാന്‍ അഹ്മദ് അല്‍ഖാസിമി, ട്രെന്റ് സൗത്ത്‌സോണ്‍ കണ്‍വീനര്‍ സമദ് തൊടുപുഴ എന്നിവര്‍ ക്ലാസുകള്‍ക്ക് നേതൃത്വം നല്‍കും. ക്യാംപില്‍ രജിസ്റ്റര്‍ ചെയ്ത അംഗങ്ങള്‍ കൃത്യസമയത്ത് തന്നെ എത്തിച്ചേരണമെന്ന് മേഖലാ ജനറല്‍ സെക്രട്ടറി നൗഫല്‍ തീനാടന്‍ അറിയിച്ചു.