കൊച്ചി:  ചുറ്റുപാടും നടക്കുന്ന മാറ്റങ്ങളെ മനസ്സിലാക്കാനും അവയുടെ പ്രയോജനമെടുക്കാനും യുവ മാനേജര്‍മാര്‍ പഠിക്കണമെന്ന് കേരള സാങ്കേതിക സര്‍വകലാശാല വൈസ് ചാന്‍സലര്‍ ഡോ.കുഞ്ചെറിയ പി ഐസക് പറഞ്ഞു.
കേരള മാനേജ്‌മെന്റ് അസോസിയേഷന്റെ ഈ വര്‍ഷത്തെ വാര്‍ഷിക വിദ്യാര്‍ത്ഥി കണ്‍വെന്‍ഷന്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാനത്തെ വിവിധ സ്ഥാപനങ്ങളില്‍ നിന്നുള്ള 1500 ലേറെ മാനേജ്‌മെന്റ് വിദ്യാര്‍ത്ഥികള്‍ സമ്മേളനത്തില്‍ പങ്കെടുത്തു.
 ചെന്നൈ ഓഫീസേഴ്‌സ് അക്കാദമിയിലെ ബ്രിഗേഡിയര്‍ ജനറലായ ബ്രിഗേഡിയര്‍ മനോജ് നടരാജന്‍  മുഖ്യപ്രഭാഷണം നടത്തി.
കെ.എം.എ പ്രസിഡന്റ് മാത്യു ഉറുമ്പത്ത് അദ്ധ്യക്ഷത വഹിച്ചു.  സിദ്ധാര്‍ത്ഥ് പൈ , നിര്‍മ്മല്‍ എന്‍ ആര്‍ , ഡോ.സുശീല്‍ ഖന്ന ,  ഡോ.ഉഷി മോഹന്‍ദാസ് ,ദീപക് എല്‍ അശ്വനി എന്നിവര്‍ പ്രസംഗിച്ചു. കണ്‍വെന്‍ഷന്‍ കമ്മിറ്റി ചെയര്‍മാന്‍ എസ് രാജ്‌മോഹന്‍ നായര്‍ സ്വാഗതവും  സെക്രട്ടറി ആര്‍ മാധവ് ചന്ദ്രന്‍ നന്ദിയും പറഞ്ഞു.