പെര്‍ത്ത്: ആസ്‌ത്രേലിയക്കെതിരായ ഒന്നാം ക്രിക്കറ്റ് ടെസ്റ്റില്‍ ദക്ഷിണാഫ്രിക്ക ശക്തമായ നിലയില്‍. മൂന്നാം ദിനം കളി നിര്‍ത്തുമ്പോള്‍ ദക്ഷിണാഫ്രിക്ക രണ്ടാമിന്നിങ്‌സില്‍ ആറു വിക്കറ്റ് നഷ്ടത്തില്‍ 390 റണ്‍സെടുത്തിട്ടുണ്ട്. രണ്ടു ദിനവും നാലു വിക്കറ്റുകളും കൈയിലിരിക്കേ അവര്‍ക്ക് 388 റണ്‍സ് ലീഡ്. ദക്ഷിണാഫ്രിക്ക ആദ്യ ഇന്നിങ്‌സില്‍ 242ഉം ആസ്‌ത്രേലിയ 244ഉം റണ്‍സായിരുന്ന കണ്ടെത്തിയത്.
ഓപണര്‍ ഡീന്‍ എല്‍ഗാറും (127), ജെ.പി ഡുമിനിയും (141) നേടിയ സെഞ്ച്വറികളുടെ കരുത്തിലാണ് ദക്ഷിണാഫ്രിക്ക ഓസീസ് ക്യാംപിലേക്ക് പോരാട്ടം നയിച്ചത്. കളി നിര്‍ത്തുമ്പോള്‍ 16 റണ്‍സുമായി ക്വിന്റന്‍ ഡി കോക്കും 23 റണ്‍സുമായി ഫിലാന്‍ഡറുമാണ് ക്രീസില്‍. ഓസീസ് നിരയില്‍ ഹാസ്‌ലെവുഡ്, സിഡ്ഡില്‍ രണ്ടു വീതം വിക്കറ്റുകള്‍ വീഴ്ത്തി.