ശ്രീനഗര്‍: പാക് വെടിവെയ്പ്പില്‍ വീണ്ടും ഇന്ത്യന്‍ സൈനികന്‍ കൊല്ലപ്പെട്ടു. ജമ്മു കശ്മിരിലെ പൂഞ്ച് ജില്ലയിലെ കൃഷ്ണ ഗാട്ടി മേഖലയിലുണ്ടായ വെടിവെയ്പ്പിലാണ് സൈനികന് ജീവന്‍ നഷ്ടമായത്. ഇന്ന് പുലര്‍ച്ചെയുണ്ടായ വെടിവെപ്പില്‍ ഒരു സൈനികന്‍ കൊല്ലപ്പെട്ടിരുന്നു. പുലര്‍ച്ചെ 2 മണിയോടെയാണ് വെടിവെയ്പ്പ് ആരംഭിച്ചത്.

മൂന്ന് നാട്ടുകാര്‍ക്കും വെടിവെയ്പ്പില്‍ പരുക്കേറ്റിട്ടുണ്ട്. പാക് സൈന്യം മേഖലയില്‍ ശക്തമായ വെടിവെയ്പ്പും ഷെല്ലാക്രമണവും തുടരുകയാണ്. ഇന്ത്യന്‍ സൈന്യവും അതേ നാണയത്തില്‍ തിരിച്ചടി നല്‍കുന്നുണ്ട്.

കഴിഞ്ഞ രണ്ടാഴ്ച്ചയ്ക്കിടെ പാകിസ്താന്‍ നടത്തിയ വെടിനിര്‍ത്തല്‍ കരാര്‍ ലംഘനത്തില്‍ എട്ട് ഇന്ത്യന്‍ സൈനികര്‍ക്കാണ് ജീവന് നഷ്ടമായത്.