കോതമംഗലം: ആലുവ മൂന്നാര്‍ റോഡില്‍ ഇരുമലപ്പടിക്ക് സമീപമുള്ള തോട്ടിലേക്ക് കക്കൂസ് മാലിന്യം തള്ളിയതായി പരാതി. ഇവിടെ സ്ഥിരമായി രാത്രി കാലങ്ങളില്‍ വാഹനങ്ങളിലെത്തിക്കുന്ന കക്കൂസ് മാലിന്യം നിക്ഷേപിക്കുന്നതായി നേരത്തെ തന്നെ പരാതിയുണ്ടായിരുന്നു. മാലിന്യം നിക്ഷേപിക്കപ്പെട്ട തോട്ടിലെ വെള്ളമാണ് സമീപ പ്രദേശങ്ങളിലെ നൂറ് കണക്കിന് കുടുംബങ്ങള്‍ ദൈനംദിനാവശ്യങ്ങള്‍ക്കായി ഉപയോഗിക്കുന്നത്.