കോഴിക്കോട്: സുന്നി മഹല്ല് ഫെഡറേഷന്റെ ആഭിമുഖ്യത്തില്‍ നടത്തുന്ന പാരന്റിങ് കോഴ്‌സിന്റെ സംസ്ഥാന തല ഉദ്ഘാടനം ഇന്ന് നടക്കും. കോഴിക്കോട് കുന്ദമംഗലം പന്തീര്‍പാടം സെഞ്ച്വറി ഹാളില്‍ രാവിലെ 10 ന് നടക്കുന്ന ചടങ്ങ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. കോട്ടുമല ടി.എം ബാപ്പു മുസ്‌ലിയാര്‍ അധ്യക്ഷനാകും. സമസ്ത സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അനുഗ്രഹ പ്രഭാഷണം നടത്തും. വാവാട് കുഞ്ഞിക്കോയ മുസ്‌ലിയാര്‍, കെ. ഉമര്‍ ഫൈസി മുക്കം, സയ്യിദ് മുഹമ്മദ് കോയ തങ്ങള്‍ ജമലുല്ലൈലി സംബന്ധിക്കും. എസ്.വി മുഹമ്മദലി മാസ്റ്റര്‍ പാരന്റിങ് ക്ലാസിന് നേതൃത്വം നല്‍കും.