തൃശൂര്‍: വടക്കാഞ്ചേരി പീഡനക്കേസ് അന്വേഷിക്കുന്ന സംഘത്തിനെതിരെ അനില്‍ അക്കര എം.എല്‍.എ. അന്വേഷണസംഘം കേസ് അട്ടിമറിക്കാന്‍ ശ്രമിക്കുകയാണെന്ന് അദ്ദേഹം ആരോപിച്ചു.
സി.പി.എം നേതൃത്വത്തിലുള്ള പൊലിസ് അസോസിയേഷന്‍ യോഗം ചേര്‍ന്നെടുത്ത തീരുമാനങ്ങള്‍ക്ക് അനുസരിച്ചാണ് കേസന്വേഷണം മുന്നോട്ടുപോകുന്നത്. അന്വേഷകരേയും ഇവരാണ് തീരുമാനിച്ചത്. ഐ.പി.എസ് റാങ്കിലുള്ള ഉദ്യോഗസ്ഥരൊഴികെ ബാക്കിയുള്ളവരെല്ലാം സി.പി.എം ഫ്രാക്ഷന്‍ അനുസരിച്ച് പ്രവര്‍ത്തിക്കുന്നവരാണന്നും അദ്ദേഹം ആരോപിച്ചു.
സംഘത്തിലെ വനിതാ ഐ.പി.എസ് ഉദ്യോഗസ്ഥ ഒഴികെയുള്ളവരെ മാറ്റണം. ഇക്കാര്യം ആവശ്യപ്പെട്ട് ഡി.ജി.പിയെ കാണുമെന്നും അദ്ദേഹം പറഞ്ഞു. കേസ് അട്ടിമറിക്കാനാണ് അന്വേഷണം നീട്ടിക്കൊണ്ടുപോകുന്നത്. എ.ഡി.ജി.പി ബി. സന്ധ്യയുടെ മേല്‍നോട്ടത്തില്‍ പാലക്കാട് ടൗണ്‍ എ.എസ്.പി പൂങ്കുഴലിക്കാണ് അന്വേഷണ ചുമതല.
ആര്‍നിശാന്തിനി, സിറ്റി പൊലിസ് കമ്മിഷണര്‍ ജെ. ഹിമേന്ദ്രനാഥ് എന്നിവരാണ് മേല്‍നോട്ടം വഹിക്കുന്നത്.