ബെര്‍ലിന്‍: അമേരിക്കന്‍ പ്രസിഡന്റ് സ്ഥാനത്തേക്ക് ഡൊണാള്‍ഡ് ട്രംപ് തെരഞ്ഞെടുക്കപ്പെടുന്നത് ഭീതിജനകമെന്ന് ജര്‍മന്‍ പ്രസിഡന്റ് ജോഷിം ഗ്വാക്ക്. ട്രംപ് തെരഞ്ഞെടുക്കപ്പെട്ടാല്‍ എന്തല്ലാമാണ് പ്രതീക്ഷിക്കേണ്ടതെന്ന് നമുക്കാര്‍ക്കും പറയാനാകില്ലെന്നും ജര്‍മന്‍ പ്രസിഡന്റ് പറഞ്ഞു. ഇന്നലെ പുറത്തിറങ്ങിയ ഒരു മാസികയ്ക്കു നല്‍കിയ അഭിമുഖത്തിലാണ് ട്രംപിന്റെ വിജയത്തെ ആശങ്കയോടെയാണ് കാണുന്നതെന്ന് അദ്ദേഹം പറഞ്ഞത്.
അതിനിടെ, ട്രംപിനെതിരേ വിവാദ എഴുത്തുകാരന്‍ സല്‍മാന്‍ റുഷ്ദിയും ജെ.കെ റൗളിങ്ങും രംഗത്തുവന്നു. ട്രംപ് ലൈംഗിക ഇരപിടിയനാണെന്ന് റുഷ്ദി പറഞ്ഞു. ഭീകരതയെയും കുടിയേറ്റത്തെയും കുറിച്ച് അപ്രായോഗികമായ പരിഹാരമാണ് ട്രംപ് മുന്നോട്ടുവയ്ക്കുന്നതെന്ന് ബ്രിട്ടീഷ് എഴുത്തുകാരി ജെ.കെ റൗളിങ് പറഞ്ഞു.