എടവണ്ണപ്പാറ: കണ്ണിയത്ത് ഉസ്താദിന്റെ 24-ാം ആണ്ടുനേര്‍ച്ച ഡിസംബര്‍ 27 മുതല്‍ ജനുവരി രണ്ടു വരെ വാഴക്കാട്ട് നടക്കും. പരിപാടിയുടെ വിജയത്തിനായി സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ചെയര്‍മാനായും സയ്യിദ് മുഹമ്മദ് കോയ തങ്ങള്‍ ജമലുല്ലൈലി കണ്‍വീനറായും സയ്യിദ് നാസര്‍ ഹയ്യ് ശിഹാബ് തങ്ങള്‍ ട്രഷററായും 313 അംഗം സ്വാഗതസംഘം രൂപീകരിച്ചു.
യോഗം സയ്യിദ് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്തു. പി.എ ജബ്ബാര്‍ ഹാജി അധ്യക്ഷനായി. സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കോഴിക്കോട് ജില്ലാ എസ്.കെ.എസ്.എസ്.എഫ് പ്രസിഡന്റ് സയ്യിദ് മുബശ്ശിര്‍ തങ്ങള്‍, ഉമര്‍ ദര്‍സി തച്ചണ്ണ, വലിയുദ്ദീന്‍ ഫൈസി, അബ്ദുറഹ്മാന്‍ ദാരിമി മുണ്ടേരി, മുഹമ്മദലി ഹാജി സംസാരിച്ചു.