കോഴിക്കോട്: കഞ്ചാവ് ചില്ലറ വില്‍പനക്കിടെ കോഴിക്കേട് പാളയത്ത് വയനാട് അമ്പലവയല്‍ സ്വദേശി ബാബു 205 ഗ്രാം കഞ്ചാവുമായി കോഴിക്കോട് റെയ്ഞ്ച് എക്‌സൈസിന്റെ പിടിയിലായി.
പ്രതി കോയമ്പത്തൂരില്‍ നിന്നാണ് ട്രെയിന്‍ മാര്‍ഗം കഞ്ചാവ് കോഴിക്കോട്ടെത്തിച്ച് വില്‍പന നടത്തുന്നത്. അന്യസംസ്ഥാന തൊഴിലാളികളും മാര്‍ക്കറ്റ് തൊഴിലാളികളുമാണ് പ്രധാന ഉപഭോക്താക്കള്‍.
കോഴിക്കോട് സി.എച്ച് ഓവര്‍ ബ്രിഡ്ജിനു താഴെയുള്ള റെയില്‍വെ ലൈന്‍, ബീച്ച് പരിസരം എന്നിവിടങ്ങളാണ് പ്രധാന വില്‍പ്പനാ കേന്ദ്രങ്ങള്‍.