എടവണ്ണ: അനധികൃതമായി കളിമണ്ണ് കടത്തുകയായിരുന്ന നാലു ടോറസ് ലോറികള്‍ പൊലിസ് പിടികൂടി. ഇന്നലെ ഉച്ചയോടെ പത്തപ്പിരിയം ഏഴു കളരിയില്‍ വച്ചാണ് എടവണ്ണ ഗ്രേഡ് എസ്.ഐ എന്‍.പി അസൈനിന്റെ നേതൃത്വത്തിലുള്ള പൊലിസ് ലോറികള്‍ പിടികൂടിയത്. പന്നിപ്പാറ ഭാഗത്ത് നിന്നും കുഴിച്ചെടുക്കുന്ന കളിമണ്ണ് തൃശ്ശൂര്‍ ഭാഗത്തേക്ക് കടത്തുന്നതിനിടെയാണ് പൊലിസിന്റെ പിടിയിലായത്. നാലു ദിവസം മുമ്പ് മറ്റൊരു ടോറസ് ലോറിയും പൊലിസ് പിടികൂടിയിരുന്നു. ജിയോളജി വകുപ്പിന് പൊലിസ് റിപ്പോര്‍ട്ട് സമര്‍പ്പിച്ചു.