എടവണ്ണപ്പാറ: രൂപീകരണ കാലം മുതല്‍ സമസ്ത മുശാവറ അംഗവും രണ്ടര പതിറ്റാണ്ടു കാലം പ്രസിഡന്റുമായിരുന്ന കണ്ണിയത്ത് ഉസ്താദിന്റെ ഇരുപത്തിനാലാം ആണ്ട് നേര്‍ച്ച ഡിസംബര്‍ 27 മുതല്‍ ജനുവരി രണ്ടു വരെ വാഴക്കാട് നടക്കും. ഖത്തം ദുആ, മതപ്രഭാഷണം, ദുആ മജ്‌ലിസ്, മജ് ലിസുന്നൂര്‍, കൂട്ടസിയാറത്ത്, മൗലിദ് പാരായണം തുടങ്ങിയവ നടക്കും. പരിപാടിയുടെ വിജയത്തിനായി സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ചെയര്‍മാനായും സയ്യിദ് മുഹമ്മദ് കോയ തങ്ങള്‍ ജമലുല്ലൈലി കണ്‍വീനറായും സയ്യിദ് നാസര്‍ ഹയ്യ് ശിഹാബ് തങ്ങള്‍ ട്രഷററായും മുന്നൂറ്റിപ്പതിമൂന്നംഗ സ്വാഗതസംഘം രൂപീകരിച്ചു. രൂപീകരണ യോഗം സയ്യിദ് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്തു. പി.എ ജബ്ബാര്‍ ഹാജി അധ്യക്ഷനായി. സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കോഴിക്കോട് ജില്ലാ എസ്.കെ.എസ്.എസ്.എഫ് പ്രസിഡന്റ് സയ്യിദ് മുബഷിര്‍ തങ്ങള്‍, ഉമര്‍ ദര്‍സി തച്ചണ്ണ, വലിയുദ്ദീന്‍ ഫൈസി, അബ്ദുറഹ്മാന്‍ ദാരിമി മുണ്ടേരി, മുഹമ്മദലി ഹാജി തുടങ്ങിയവര്‍ സംസാരിച്ചു.