തിരുവനന്തപുരം: തിരുവനന്തപുരത്ത് നിന്നും പുറപ്പെട്ട ചെന്നൈ എക്‌സ്പ്രസില്‍ നിന്നും നാല്‍പത് വയസ്സു തോന്നിക്കുന്ന തമിഴ്‌നാട് സ്വദേശിയുടേതെന്ന സംശയിക്കുന്ന മൃതദേഹം കണ്ടെത്തി. ജനറല്‍ കമ്പാര്‍ട്ട് മെന്റിന് സമീപമുള്ള ടോയിലറ്റില്‍ തൂങ്ങി മരിച്ച നിലയിലാണ് മൃതദേഹം കാണപ്പെട്ടത്. കായംകുളം പിന്നിട്ടമ്പോള്‍ യാത്രക്കാരിലൊരാളാണ് ടോയ്‌ലറ്റിന്റെ വാതിലുകള്‍ തുറക്കാതിരുന്നതിനേത്തുടര്‍ന്ന് സംശയം പ്രകടിപ്പിച്ചത്. തുടര്‍ന്ന് ആലപ്പുഴയിലെത്തി നടത്തിയ പരിശോധനയിലാണ് മൃതദേഹം കണ്ടെത്തിയത്. റെയില്‍വേ പൊലിസ് പ്രാഥമിക പരിശോധനകള്‍ നടത്തി. സംഭവത്തെത്തുടര്‍ന്ന് ചെന്നൈ എക്‌സ്പ്രസിന്റെ യാത്ര മണിക്കൂറുകളോളം തടസ്സപ്പെട്ടു.