ആരാധകരെ ആവേശത്തിലാഴ്ത്തി ഗംഭീരതിരിച്ചുവരവിന് നോക്കിയ ഒരുങ്ങുന്നതായി വാര്‍ത്തകളുണ്ടായിരുന്നു. 2017 ല്‍ രണ്ട് പുതിയ സ്മാര്‍ട്‌ഫോണുകളുമായി വിപണിയിലേക്ക് തിരിച്ചുവരുന്നു എന്ന അറിയിച്ചതിന് പിന്നാലെ സ്മാര്‍ട്‌ഫോണിന്റെ ചിത്രങ്ങള്‍ പുറത്തായിരിക്കുകയാണ്.

നോക്കിയ ഡി1സി എന്ന പേരിലുള്ള ഹാന്‍ഡ്‌സെറ്റിന്റെ ചിത്രങ്ങളാണ് ഇപ്പോള്‍ സോഷ്യല്‍ മീഡിയയിലൂടെ പ്രചരിക്കുന്നത്. ഗോള്‍ഡ്, ബ്ലാക്ക്, വൈറ്റ് എന്നീ നിറങ്ങളിലാണ് പുതിയ സ്മാര്‍ട്‌ഫോണുകളെത്തുന്നത്. ഗോള്‍ഡ് വേര്‍ഷന്റെ ഹോം ബട്ടണില്‍ ഫിങ്കര്‍പ്രിന്റ് സെന്‍സറുണ്ടാവും.എന്നാല്‍ മറ്റ് വേര്‍ഷനുകളില്‍ ഈ ഫീച്ചര്‍ ഉണ്ടാവില്ല.

ഫുള്‍ എച്ച്.ഡി ഡിസ്‌പ്ലേയായിരിക്കും എല്ലാ വേര്‍ഷനുകളിലും നല്‍കുക എന്നും റിപ്പോര്‍ട്ടുണ്ട്. ഫീച്ചറുകള്‍ നിരവധി പുറത്തായിട്ടുണ്ടെങ്കിലും എല്ലാം കൃത്യമായി അറിയണമെങ്കില്‍ നോക്കിയ ഔദ്യോഗികമായിതന്നെ വിവരങ്ങള്‍ പുറത്തുവിടേണ്ടതുണ്ട്. കാത്തിരിക്കാം നോക്കിയയുടെ തകര്‍പ്പന്‍ തിരിച്ചുവരവിനായി.