വാഷിങ്ടണ്‍: 45ാമത്തെ യു.എസ് പ്രസിഡന്റിനെ തെരഞ്ഞെടുക്കാനുള്ള ജനകീയ വോട്ടെടുപ്പ് ഇന്ന് നടക്കും. ഡെമോക്രാറ്റിക് പാര്‍ട്ടിയുടെ ഹിലരി ക്ലിന്റണും റിപ്പബ്ലിക്കന്‍ പാര്‍ട്ടിയുടെ ഡൊണാള്‍ഡ് ട്രംപുമാണ് ഏറ്റുമുട്ടുന്നത്. ഐ.എസും അല്‍ഖാഇദയും ഭീകരാക്രമണം നടത്തുമെന്ന് ഭീഷണി മുഴക്കിയ സാഹചര്യത്തില്‍ കനത്ത സുരക്ഷയിലാണ് വോട്ടെടുപ്പ്. ഇന്നു രാവിലെ മുതല്‍ 50 സംസ്ഥാനങ്ങളിലും തലസ്ഥാനമായ വാഷിങ്ടണിലും വോട്ടെടുപ്പ് നടക്കും. നാലു നഗരങ്ങളില്‍ അല്‍ഖാഇദ ആക്രമണം നടത്തുമെന്നും പോളിങ്‌സ്റ്റേഷനുകള്‍ ആക്രമിച്ച് വോട്ടര്‍മാരുടെ തലയറുക്കുമെന്ന് ഐ.എസും ഭീഷണിമുഴക്കിയിട്ടുണ്ട്. ഇന്ത്യന്‍ സമയം ഇന്ന് വൈകീട്ടാണ് തെരഞ്ഞെടുപ്പ് നടക്കുക. നാളെ രാവിലെ മുതല്‍ എക്‌സിറ്റ് പോള്‍ ഫലങ്ങള്‍ പുറത്തുവരും.