കോഴിക്കോട്: തൊണ്ണൂറാണ്ട് പിന്നിട്ട സമസ്ത കേരളാ ജംഇയ്യത്തുല്‍ ഉലമായുടെ സമ്പൂര്‍ണ ചരിത്രം അടയാളപ്പെടുത്തുന്ന 'സമസ്ത ചരിത്രത്തിന്റെ നാള്‍വഴികള്‍' പാണക്കാട് സയ്യിദ് ഹൈദരലി ശിഹാബ് തങ്ങള്‍ ഖത്തര്‍ ഇബ്രാഹിം ഹാജിക്ക് നല്‍കി പ്രകാശനം ചെയ്തു. ചടങ്ങില്‍ കെ.കെ.എന്‍ കുറുപ്പ് മുഖ്യാതിഥിയായി. കോട്ടുമല ടി.എം ബാപ്പു മുസ്‌ലിയാര്‍ അധ്യക്ഷത വഹിച്ചു.
സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഉമര്‍ ഫൈസി മുക്കം, ചെര്‍ക്കളം അബ്ദുള്ള, സി.എസ്.കെ തങ്ങള്‍, പിണങ്ങോട് അബൂബക്കര്‍, നാസര്‍ ഫൈസി കൂടത്തായി, ആര്‍.വി കുട്ടിഹസന്‍ ദാരിമി, സലാം ഫൈസി, സ്വാദിഖ് ഫൈസി താനൂര്‍, ഹസന്‍ ഫൈസി കരുവാരക്കുണ്ട് പ്രസംഗിച്ചു. ശാഹുല്‍ ഹമീദ് മാസ്റ്റര്‍ മേല്‍മുറി സ്വാഗതവും റശീദ് ഫൈസി വെള്ളായിക്കോട് നന്ദിയും പറഞ്ഞു. എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ഔദ്യോഗിക പ്രസിദ്ധീകരണ വിഭാഗമായ ഇസ്‌ലാമിക് സാഹിത്യ അക്കാദമി (ഇസ)പുറത്തിറക്കിയ പുസ്തകം രചിച്ചത് സ്വാദിഖ് ഫൈസി താനൂര്‍ ആണ്.