ദുബൈ: യു.എ.യിലേക്ക് യാത്ര ചെയ്യുന്ന എമിറേറ്റ്‌സ് എയര്‍ലൈന്‍ ഉപഭോക്താക്കള്‍ക്ക് മൊബൈല്‍ ഫോണ്‍ വഴി വിസയ്ക്ക് അപേക്ഷിക്കുവാനുള്ള സംവിധാനം. ദുബൈ വിസ പ്രോസസിംഗ് സെന്റര്‍ (ഡി.വി.പി.സി)യാണ് മൊബൈല്‍ ആപ് ഉപയോഗിച്ച് ലോകത്തിന്റെ ഏതു ഭാഗത്തുനിന്നും യു.എ.ഇ വിസയ്ക്ക് അപേക്ഷ നല്‍കി നടപടിക്രമങ്ങള്‍ പൂര്‍ത്തിയാക്കാം.
ഈ ആപ്പില്‍ ഒറ്റത്തവണ വിവരങ്ങളും രേഖകളും അപ്‌ലോഡ് ചെയ്യണം. സ്മാര്‍ട്ട്‌ഫോണ്‍ ഉടമകള്‍ക്ക് ഗൂഗിള്‍ പ്ലേസ്റ്റോറില്‍നിന്നോ ആപ്പിള്‍സ് ആപ് സ്റ്റോറില്‍നിന്നോ ഡി.വി.പി.സി മൊബൈല്‍ ആപ് ഡൗണ്‍ലോഡ് ചെയ്യാം. ഈ ആപ് വഴി യാത്രക്കാര്‍ക്ക് 96 മണിക്കൂര്‍, 30 ദിവസം, അല്ലെങ്കില്‍ 90 ദിവസത്തെ സിംഗില്‍ എന്‍ട്രി വിസയ്ക്ക് അപേക്ഷ നല്‍കാം.
എമിറേറ്റ്‌സ് ഫ്‌ളൈറ്റ് പുറപ്പെടുന്നതിനു നാലു രാജ്യാന്തര പ്രവര്‍ത്തി ദിനങ്ങള്‍ക്ക് മുമ്പ് അപേക്ഷ നല്‍കണം. എക്‌സ്പ്രസ് വിസ സര്‍വിസ് ഉപയോഗിച്ച് രണ്ടു ദിവസം മുന്‍പുവരെ അപേക്ഷിക്കാം.എമിറേറ്റ്‌സ് എയര്‍ലൈന്‍, ദുബൈ ഗവണ്‍മെന്റ് എന്നിവയ്ക്കായി വിസ പ്രോസസിംഗ് നടത്തുന്നതിനു മാത്രമായി 2002-ല്‍ വി.എഫ്. എസ് ഗ്ലോബല്‍ രൂപം കൊടുത്തിട്ടുള്ള പ്രത്യേക വിഭാഗമാണ് ദുബായ് വിസ പ്രോസസിംഗ് സെന്റര്‍.