ടെക്‌സാസ്: യു.എസ് തെരഞ്ഞെടുപ്പില്‍ വോട്ടു ചെയ്യാനാകാതെ അഞ്ചു ലക്ഷത്തിലേറെ കുടിയേറ്റക്കാര്‍. പൗരത്വം ലഭിക്കാത്ത ഇവരില്‍ ഏറെയും ടെക്‌സാസിലെ മെക്‌സിക്കന്‍ അതിര്‍ത്തിയിലാണ്. ഹിലരി വിജയിച്ചാല്‍ പൗരത്വം ഉള്‍പ്പെടെയുള്ള കാര്യങ്ങളില്‍ തീരുമാനമുണ്ടാകുമെന്ന് ഇവര്‍ കണക്കുകൂട്ടുന്നു. മെക്‌സിക്കന്‍ അതിര്‍ത്തിയില്‍ മാത്രം ഏതാണ്ട് 2300 നടുത്ത് കോളനികളുണ്ട്. പരിതാപകരമാണ് ഇവരുടെ അവസ്ഥ.
മെക്‌സികോയില്‍ നിന്നും വന്നെങ്കിലും അമേരിക്കന്‍ പൗരത്വം ലഭിക്കാത്തതാണ് തെരഞ്ഞെടുപ്പില്‍ പങ്കെടുക്കാന്‍ കഴിയാത്തതിന് കാരണം. കുടിവെള്ളമോ, ഭക്ഷണമോ വെളിച്ചമോ ഒന്നുമില്ലാത്തതാണ് പല കോളനികളും. ഫെഡറല്‍ റിസര്‍വ് ബാങ്ക് ഓഫ് ഡള്ളാസിന്റെ കണക്ക് പ്രകാരം 38000 ആളുകള്‍ ടെക്‌സാസില്‍ മാത്രംഇത്തരത്തില്‍ കഴിയുന്നുണ്ട്. വിദ്യാഭ്യാസം ലഭിക്കാത്തവരുടെ എണ്ണവും കുറവല്ല. പകുതിയിലേറെ പേര്‍ക്കും വേണ്ടത്ര വിദ്യാഭ്യാസം ലഭിക്കാത്തവരാണ്. കുടിയേറ്റവിരുദ്ധ നിലപാട് സ്വീകരിച്ച ട്രംപിനെതിരേ വോട്ട് ചെയ്യാന്‍ കഴിയുന്നില്ലെന്ന വികാരമാണ് ഇവര്‍ പ്രകടിപ്പിക്കുന്നത്.
സ്പാനിഷ് വംശജര്‍ക്ക് വോട്ടുണ്ട്. കുടിയേറ്റവിരുദ്ധ വികാരം ഉയര്‍ത്തുന്ന ട്രംപിന് പിന്തുണ നല്‍കില്ലെന്ന് ഇവര്‍ പറയുന്നു. ഇത്തവണയും ഇവര്‍ ഡെമോക്രാറ്റിക് സ്ഥാനാര്‍ഥിയെ പിന്തുണയ്ക്കും
ട്രംപ് അധികാരത്തിലെത്തിയാല്‍ കുടിയേറ്റ നിയമം കര്‍ശനമാക്കുന്ന നിയമമാണുണ്ടാകുകയെന്ന് കുടിയേറ്റക്കാര്‍ പറയുന്നു. ഇന്ത്യന്‍ വംശജരും ഹിലരിയെയാണ് പിന്തുണയ്ക്കുന്നത്. കുടിയേറ്റ പ്രശ്്‌നത്തില്‍ മനുഷ്യത്വം നോക്കാതെ നിലപാടെടുക്കാനാകില്ലെന്നാണ് ഹിലരി പറയുന്നത്.