കാബൂള്‍:അഫ്ഗാനില്‍ അമേരിക്കയുടെ വ്യോമാക്രമണത്തില്‍ 32 സിവിലയന്മാര്‍ കൊല്ലപ്പെട്ടതായി യു.എന്‍.അഫ്ഗാനിലെ പ്രശ്‌നബാധിത പ്രദേശമായ കുന്ദൂസ് പ്രവിശ്യയിലാണ് ആക്രമണങ്ങള്‍ നടന്നതെന്ന് യു.എന്‍ പ്രത്യേക അന്വേഷണ സംഘം അറിയിച്ചു. കഴിഞ്ഞ ആഴ്ച മുതല്‍ യു.എസിന്റെ നേതൃത്വത്തില്‍ ആരംഭിച്ച ആക്രമണത്തെ അസ്വീകാര്യമായ നടപടിയാണെന്നാണ് യു.എന്‍ വിശേഷിപ്പിച്ചത്.
കഴിഞ്ഞ ചൊവ്വാഴ്ച മുതല്‍ കുന്‍ന്ദുസില്‍ ആരംഭിച്ച യു.എസ് ആക്രമണത്തില്‍ ശക്തമായ പ്രതിഷേധം ഇപ്പോഴും തുടരുകയാണ്.
കൊല്ലപ്പെട്ട 32 പേരില്‍ ഭൂരിഭാഗവും കുട്ടികളാണെന്നും ഇവരുടെ അംഗച്ഛേദം നടത്തിയ മൃതദേഹങ്ങള്‍ തെരുവില്‍ ഉപേക്ഷിക്കപ്പെട്ടത് ബന്ധുക്കളില്‍ നിന്നുള്ള ശക്തമായ പ്രതിഷേധത്തിന് കാരണമായിട്ടുണ്ടന്നും പ്രാദേശികര്‍ അറിയിച്ചു.
15 വര്‍ഷത്തോളമായി തുടരുന്ന നാറ്റോ സഖ്യത്തിന്റെ സിവിലയന്മാര്‍ക്കെതിരേയുള്ള ആക്രമണങ്ങള്‍ ഇതിനകം സര്‍ക്കാരിന്റെയും പൊതുജനങ്ങളുടെയും ശക്തമായ വിമര്‍ശനത്തിന് കാരണമായിട്ടുണ്ട്.
സിവിലയന്മാര്‍ക്കേറ്റ ആക്രമണത്തിന്റെ ഉത്തരാവാദിത്വം ഏറ്റെടുത്ത യു.എസ് സൈന്യം സംഭവത്തില്‍ ഉചിതമായ അന്വേഷണം നടത്തുമെന്ന് അറിയിച്ചു.