അടിമാലി: തങ്ങളുടെ ആദിവാസിക്കുടിയിലേക്കു റോഡ് നിര്‍മിച്ചു നല്‍കാത്തതില്‍ പ്രതിഷേധിച്ച് മുന്നൂറോളം ആദിവാസികള്‍ വോട്ട് ബഹിഷ്‌കരിച്ചു.
വട്ടവട ഗ്രാമപഞ്ചായത്തില്‍ ഉള്‍പ്പെട്ട ഗൂഡല്ലാര്‍കുടി ആദിവാസി കോളനിയിലെ 300 പേരാണ് തെരഞ്ഞെടുപ്പില്‍നിന്നു വിട്ടുനിന്നത്.
ഇവര്‍ തെരഞ്ഞെടുപ്പ് ബഹിഷ്‌കരിക്കുമെന്ന് നേരത്തെ അധികൃതരെ അറിയിച്ചിരുന്നു. പലവട്ടം ചര്‍ച്ച നടത്തി ഇവരെ അനുനയിപ്പിക്കാന്‍ ശ്രമിച്ചിരുന്നു.
തീരുമാനത്തില്‍നിന്നു പിന്മാറുമെന്നുള്ള പ്രതീക്ഷയിലായിരുന്നു ഉദ്യോഗസ്ഥരും രാഷ്ട്രീയ നേതൃത്വവും.