പൂനെ: മഹാരാഷ്ട്രക്കെതിരായ സി.കെ നായിഡു ട്രോഫി അണ്ടര്‍ 23 പോരാട്ടത്തില്‍ കേരളത്തിനു ഭേദപ്പെട്ട തുടക്കം. ടോസ് നേടി ബാറ്റിങ് തിരഞ്ഞെടുത്ത കേരളം ഒന്നാം ദിനം കളി നിര്‍ത്തുമ്പോള്‍  അഞ്ചു വിക്കറ്റ് നഷ്ടത്തില്‍ 293 റണ്‍സെന്ന നിലയില്‍. ഓപണര്‍ മുഹമ്മദ് അസ്ഹറുദ്ദീന്റെ (125) സെഞ്ച്വറിയുടെ കരുത്തിലാണ് കേരളം ഭേദപ്പെട്ട സ്‌കോറിലെത്തിയത്. കളി നിര്‍ത്തുമ്പോള്‍ 61 റണ്‍സുമായി സല്‍മാന്‍ നിസാര്‍ ക്രീസില്‍. 48 റണ്‍സെടുത്ത അനുജ് ജോടിന്‍ റിട്ടയേര്‍ഡ് ഹട്ടായി. മഹാരാഷ്ട്രക്കായി ജെ.പി. സോപെ മൂന്നു വിക്കറ്റുകള്‍ വീഴ്ത്തി.