ജയ്പൂര്‍: കേരളവും ഹരിയാനയും തമ്മിലുള്ള രഞ്ജി ട്രോഫി പോരാട്ടം സമനിലയിലേക്ക്. ഹരിയാന ആദ്യ ഇന്നിങ്‌സില്‍ 303 റണ്‍സിനു പുറത്തായപ്പോള്‍ കേരളം ഒന്നാം ഇന്നിങ്‌സില്‍ ഒന്‍പതു വിക്കറ്റ് നഷ്ടത്തില്‍ 404 റണ്‍സെടുത്ത് ഡിക്ലയര്‍ ചെയ്തു. 101 റണ്‍സ് ലീഡ് വഴങ്ങി രണ്ടാമിന്നിങ്‌സ് തുടങ്ങിയ ഹരിയാന മൂന്നാം ദിനം കളി നിര്‍ത്തുമ്പോള്‍ വിക്കറ്റ് നഷ്ടമില്ലാതെ ആറു റണ്‍സെടുത്തിട്ടുണ്ട്. ഒരു ദിവസവും പത്തു വിക്കറ്റുകളും കൈയിലിരിക്കേ കേരളത്തിന്റെ സ്‌കോറിനൊപ്പമെത്താന്‍ ഹരിയാനയ്ക്ക് 95 റണ്‍സ് കൂടി.
കേരളത്തിനായി ഭവിന്‍ തക്കര്‍ (79), രോഹന്‍ പ്രേം (64), ഇഖ്ബാല്‍ അബ്ദുല്ല (61), വിഷ്ണു വിനോദ് (58), സച്ചിന്‍ ബേബി (52) എന്നിവര്‍ മികച്ച ബാറ്റിങ് കാഴ്ചവച്ചു. ഹരിയനാനയ്ക്കായി ഹര്‍ഷല്‍ പട്ടേല്‍, യുഷ്‌വേന്ദ്ര ചഹല്‍ എന്നിവര്‍ നാലു വീതം വിക്കറ്റുകള്‍ വീഴ്ത്തി.