കൊച്ചി: ചേരാനെല്ലൂരില്‍ കാറില്‍ കടത്തിക്കൊണ്ടുവരികയായിരുന്ന 600 ലിറ്റര്‍ സ്പിരിറ്റ് പൊലിസ് പിടികൂടി. ഇന്നലെ വൈകുന്നേരം ചേരാനെല്ലൂരില്‍ കണ്ടെയിനര്‍ സിഗ്നല്‍ ജങ്ഷന്‍ വാഹന പരിശോധനയ്ക്കിടെ പൊലിസ് കൈകാണിച്ചപ്പോള്‍ നിര്‍ത്താതെ പോയ ക്വാളിസ് കാറില്‍ നിന്നാണ്് 35 ലിറ്റര്‍ വീതമുള്ള 17 കന്നാസുകളായി സൂക്ഷിച്ചിരുന്ന സ്പിരിറ്റ് കണ്ടെടുത്തത്.
നിര്‍ത്താതെ പോയ കാറിനെ പൊലിസ് പിന്തുടരുകയും കണ്ടൈനര്‍ സിഗ്നല്‍ ജംഗ്ഷനില്‍് പിടികൂടുകയുമായിരുന്നു. എന്നാല്‍ വാഹനത്തിലുണ്ടായിരുന്ന രണ്ടു പേര്‍ ഓടി രക്ഷപ്പെട്ടു.
സംഭവത്തില്‍ ചേരാനെല്ലൂര്‍ പൊലിസ് കേസ് രജിസ്റ്റര്‍ ചെയ്തിട്ടുണ്ട്. സ്പിരിറ്റ് കടത്താനുപയോഗിച്ച വാഹനം എക്‌സൈസിന് കൈമാറും.