പറവൂര്‍: കഥാകൃത്, കവി, ബാലസാഹിത്യകാരന്‍ എന്നീ നിലകളില്‍ കഴിഞ്ഞ 35 വര്‍ഷക്കാലത്തെ സാഹിത്യമേഖലയിലെ സമഗ്ര സംഭാവനകള്‍ അടിസ്ഥാനമാക്കി ഈ വര്‍ഷത്തെ ഗുരുനിത്യചൈതന്യയതിപുരസ്‌കാരം പറവൂര്‍ രാജഗോപാലിന് ലഭിച്ചു. പെരുമ്പാവൂര്‍ ആസ്ഥാനമായ നാരായണഗുരുകുലം സ്റ്റഡിസര്‍ക്കിളാണ് പുരസ്‌കാരം നല്‍കി ആദരിച്ചത്.
ഗുരുനിത്യചൈതന്യയതി ജയന്തി ദിനാഘോഷത്തോടനുബന്ധിച്ച് പെരുമ്പാവൂരില്‍ വച്ച് നടന്ന ചടങ്ങില്‍ റിട്ട. ജില്ലാ ജഡജി വി.എന്‍ സത്യാനന്ദന്റെ അധ്യക്ഷതയില്‍ മനുഷ്യാവകാശകമ്മീഷന്‍ ആക്ടിംഗ് ചെയര്‍മാന്‍ പി മോഹന്‍ദാസ് രാജഗോപാലിന് പുരസ്‌കാരം നല്‍കി. ഹൈക്കോടതി ജസ്റ്റീസ് അലക്‌സാണ്ടര്‍ തോമസ് അവാര്‍ഡ് ദാന സമ്മേളനം ഉല്‍ഘാടനം ചെയ്തു.