കോഴിക്കോട്: സമസ്ത ജില്ലാ കമ്മിറ്റി നടത്തുന്ന അര്‍ധവാര്‍ഷിക നവോത്ഥാന കാംപയിന്‍ പ്രൊജക്ടും ജില്ലാ കോഡിനേഷന്‍ കമ്മിറ്റി നടത്തുന്ന ശരീഅത്ത് സംരക്ഷണ സമ്മേളനവും മണ്ഡലംതല റാലിയും ചര്‍ച്ച ചെയ്യുന്നതിന് സമസ്തയുടെയും കീഴ്ഘടകങ്ങളുടെയും ജില്ലാ പ്രവര്‍ത്തകസമിതി അംഗങ്ങളുടെയും ശില്‍പശാല 15ന് ഉച്ചയ്ക്ക് രണ്ടിന് കോഴിക്കോട് സമസ്ത ഓഡിറ്റോറിയത്തില്‍ നടക്കും.
മുഴുവന്‍ ഘടകങ്ങളുടെയും അംഗങ്ങള്‍ പങ്കെടുക്കണമെന്ന് ജില്ലാ ജനറല്‍ സെക്രട്ടറിമാരായ മുക്കം ഉമ്മര്‍ ഫൈസി (സമസ്ത), നാസര്‍ ഫൈസി കൂടത്തായി (എസ്.വൈ.എസ് ), സലാം ഫൈസി മുക്കം (എസ്.എം.എഫ് ), പി. ഹസൈനാര്‍ ഫൈസി (എസ്.കെ.ജെ.എം), ഒ.പി.എം അഷ്‌റഫ് (എസ്.കെ.എസ്.എസ്.എഫ് ), കെ.പി കോയ (എസ്.കെ.എം.എം.എ) മുഹ്‌സിന്‍ ഓമശ്ശേരി (എസ്.ബി.വി) എന്നിവര്‍ അഭ്യര്‍ഥിച്ചു.