കാസര്‍കോട്: അറുപതാമത് സംസ്ഥാന സ്‌കൂള്‍ ഗെയിംസ് ചാംപ്യന്‍ഷിപ്പിലെ അഞ്ചു മത്സരങ്ങള്‍ ഇന്നു മതല്‍ പത്തുവരെ കാസര്‍കോട്ട് നടക്കും. ഹാന്‍ഡ്‌ബോള്‍, കബഡി, ഫുട്‌ബോള്‍, ഗുസ്തി എന്നീ മത്സരങ്ങള്‍ ഉപ്പള മണ്ണുംകുഴിയിലെ ഗോള്‍ഡന്‍ അബ്ദുല്‍ഖാദര്‍ സ്റ്റേഡിയത്തിലും ഷട്ടില്‍ ബാറ്റ്മിന്റ്റന്‍ മത്സരം കാഞ്ഞങ്ങാട് ചെമ്മട്ടം വയലിലെ ഇന്‍ഡോര്‍ സ്റ്റേഡിയത്തിലും നടക്കുമെന്ന്് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ജൂനിയര്‍, സീനിയര്‍ വിഭാഗങ്ങളില്‍ വിവിധ ജില്ലകളില്‍ നിന്നായി ആയിരത്തി നാനൂറോളം മത്സരാര്‍ഥികള്‍ മേളയില്‍ മാറ്റുരക്കും. ഗുസ്തി ഒഴികെയുള്ള മത്സരങ്ങളില്‍ സോണല്‍ മത്സരങ്ങളിലെ വിജയികളാണ് മത്സരിക്കുന്നത്. പരിപാടി രാവിലെ ഒന്‍പതിനു ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്യും. ഡോ. ചാക്കോ ജോസഫ് പതാകയുയര്‍ത്തും. ഷാഹുല്‍ ഹമീദ് ബന്തിയോട് അധ്യക്ഷനാകും. സമാപനസമ്മേളനം നാളെ വൈകുന്നേരം ജില്ലാ കലക്ടര്‍ കെ. ജീവന്‍ ബാബു ഉദ്ഘാടനം ചെയ്യും. വാര്‍ത്താ സമ്മേളനത്തില്‍ ഡി.ഡി.ഇ യു കരുണാകരന്‍, ജില്ലാ സ്്‌പോര്‍ട്‌സ് കോഡിനേറ്റര്‍ കെ.എം ബല്ലാള്‍, അശോകന്‍ ധര്‍മത്തടുക്ക, അരവിന്ദാക്ഷ ഭണ്ഡാരി സംബന്ധിച്ചു.