മാനന്തവാടി: സി.പി.ഐ നഗരസഭാ മാര്‍ച്ചിനിടെയുണ്ടായ ആക്രമണ സംഭവങ്ങളുമായി ബന്ധപ്പെട്ട് രണ്ട് സി.പി.എം പ്രവര്‍ത്തകര്‍ കൂടി കീഴടങ്ങി. ചോയ്മൂല -അമ്പലത്തത്തുംകണ്ടി അനില്‍കുമാര്‍, കല്ല്‌മൊട്ടം കുന്ന്- പുത്തന്‍പുരക്കല്‍ പി.എന്‍ സുനീഷ് എന്നിവരാണ് പൊലിസ് മുമ്പാകെ കീഴടങ്ങിയത്.
സംഘര്‍ഷവുമായി ബന്ധപ്പെട്ട് ഇതുവരെയായി 15 പേര്‍ അറസ്റ്റിലായിട്ടുണ്ട്. മാനന്തവാടി നഗരത്തിലെ കൈയേറ്റങ്ങള്‍ ഒഴിപ്പിക്കുന്നതില്‍ ഭരണ സമിതി വേര്‍തിരിവ് കാണിക്കുന്നെന്നാരോപിച്ചാണ് ഭരണകക്ഷിയിലെ സി.പി.ഐ നഗരസഭയിലേക്ക് മാര്‍ച്ച് നടത്തിയത്.