വാടാനപ്പള്ളി: പൊക്കാഞ്ചേരി പുഴയില്‍ നിന്ന് മണലെടുപ്പ് വിവരമറിഞ്ഞെത്തിയ എ.ഐ.വൈ.എഫ് പ്രവര്‍ത്തകര്‍ തടഞ്ഞു. എടുത്ത മണല്‍ പുഴയിലേക്ക് തന്നെ തട്ടി. കടലില്‍ നിന്ന് തിരയോടൊപ്പം അടിച്ച് കയറുന്ന മണലാണ് സമീപത്തെ പറമ്പുകളില്‍ കുന്നുകൂട്ടിയിട്ടിരുന്നത്. പുഴയിലേക്കിറങ്ങി കിടന്നിരുന്ന മണലാണ് ഇത്തരത്തില്‍ കരയ്ക്ക് കയറ്റിയിട്ടിരുന്നതെന്ന് എ.ഐ.വൈ.എഫ് ആരോപിച്ചു. വഞ്ചികളില്‍ കൊണ്ടുവന്നാണ് മണല്‍ നിക്ഷേപം നടത്തുന്നത്. ജെ.സി.ബി ഉപയോഗിച്ച് മണല്‍ പുഴയിലേക്ക് തന്നെ തട്ടി. മേഖലയില്‍ വ്യാപകമായ മണലെടുപ്പും പുറമ്പോക്ക് ഭൂമി നികത്തലും നടക്കുന്നുണ്ടെന്ന് പരാതിയുണ്ട്.