വൈക്കം : കോവിലകത്തുംകടവ് ശ്രീ മഹാഭദ്രകാളി ക്ഷേത്രത്തിലെ പ്രതിഷ്ഠാ മഹോത്സവം 19 മുതല്‍ 22 വരെ നടത്തുന്നു.
മെയ് 22ന് രാവിലെ 6.30നും 7.46നും മദ്ധ്യേ ബ്രഹ്മശ്രീ കുഴിക്കാട്ടില്ലം അഗ്നിശര്‍മ്മന്‍ വാസുദേവന്‍ ഭട്ടതിരിപ്പാടിന്റെ മുഖ്യകാര്‍മ്മികത്വത്തില്‍ ഭദ്രകാളിപ്രതിഷ്ഠയും തുടര്‍ന്ന് ആമേടമന ബ്രഹ്മശ്രീ സുബ്രഹ്മണ്യന്‍ നമ്പൂതിരിയുടെ കാര്‍മ്മികത്വത്തില്‍ സര്‍പ്പപ്രതിഷ്ഠയും ശബരിമല മുന്‍ മേല്‍ശാന്തി ഇണ്ടംതുരുത്തിമന ബ്രഹ്മശ്രീ നീലകണ്ഠന്‍ നമ്പൂതിരിയുടെ കാര്‍മ്മികത്വത്തില്‍ ഗുരുനാഥ-നല്ലച്ച പ്രതിഷ്ഠയുമാണ് നടത്തുന്നത്.
19ന് രാവിലെ സൂര്യോദയത്തിന് മുന്‍മ്പു മുതല്‍ പിറ്റേന്ന് സൂര്യോദയം വരെ അഹോരാത്രമായുള്ള അഖണ്ഡനാമജപത്തിന് പോളശ്ശേരി ക്ഷേത്രം മേല്‍ശാന്തി ഗിരീഷ് ഭദ്രദീപം തെളിയിക്കുന്നു. 20ന് രാവിലെ 5ന് ദ്വാദശാക്ഷരീവിധാനം പൂജ, 5.30ന് മഹാഗണപതിഹോമം, 6.30ന് അഖണ്ഡനാമജപ സമര്‍പ്പണം, 7ന് മൃത്യുഞ്ജയഹോമം, 7.30ന് മഹാസുദര്‍ശനഹോമം, നരസിംഹഹോമം, 8ന് ബ്രഹ്മരക്ഷസ്സിന് പത്മത്തില്‍ പൂജ, 9ന് സ്വയംവരദുര്‍ഗ്ഗാവിധാനം പൂജ, ഉച്ചയ്ക്ക് 12ന് പ്രസാദംഊട്ട്, 5.10ന് അഘോരഹോമം, 6ന് ശൂലനീഹോമം, തൃഷ്ടുപ്പ് ഹോമം, 6.30ന് വനദുര്‍ഗ്ഗാവിധാനം പൂജ, ദുരിതദുര്‍ബ്ബാധാമോചനം, 7ന് പരദേവതാപൂജ, 7.30ന് ആവാഹന, ബാധാവേര്‍പാട്, ബാധോച്ചാടനം, ശുദ്ധപുണ്യാഹം എന്നിവയും 21ന് രാവിലെ 5.30ന് അഷ്ടദ്രവ്യഹിതം മഹാഗണപതിഹോമം, 6ന് പ്രതിമാജപം, 6.30ന് നാരായണീയ പാരായണം, 7ന് തിലകഹോമം, 9ന് സായൂജ്യപൂജ, 9.30ന് ബാലാലയത്തില്‍ അനുജ്ഞാപൂജ,എന്നിവയും നടക്കും.