അഞ്ചല്‍: മഞ്ഞപ്പാറ മലപ്പേരൂര്‍ ക്ഷീരോല്‍പാദക സഹകരണ സംഘത്തിന്റെ ഉദ്ഘാടനം എന്‍.കെ പ്രേമചന്ദ്രന്‍ എം.പി നിര്‍വഹിച്ചു.
ഗ്രാമപഞ്ചായത്ത് പ്രസിഡന്റ് എ. നൗഷാദ് അധ്യക്ഷനായി. മില്‍മ തിരുവനന്തപുരം മേഖല യൂനിയന്‍ ചെയര്‍മാന്‍ കല്ലട രമേശ്, സംഘം പ്രസിഡന്റ് വി.ടി .സിബി, ജില്ലാ ക്ഷീരവികസന ഡപ്യൂട്ടി ഡയറക്ടര്‍ കെ. ശശികുമാര്‍, എ .അനീഷ, സന്തോഷ് കുമാര്‍, സൂസമ്മ വര്‍ഗീസ്, ആര്‍പി സുനില്‍കുമാര്‍, ഷറഫുദ്ദീന്‍, സുഗതന്‍, സെയ്‌നുലാബ്ദീന്‍, ബേബി കോടിയാട്ട്, അലക്‌സാണ്ടര്‍ ജോര്‍ജ് എന്നിവര്‍ പ്രസംഗിച്ചു.

പ്രശ്‌നോത്തരി സംഘടിപ്പിച്ചു

കൊല്ലം: കേരളപ്പിറവിയോട് അനുബന്ധിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് നടത്തുന്ന ഔദ്യോഗിക ഭാഷാവാരാചരണത്തിന്റെ ഭാഗമായി കലക്‌ട്രേറ്റ് ജീവനക്കാര്‍ക്കായി മലയാളം പ്രശ്‌നോത്തരി നടത്തി.
മലയാള സാഹിത്യം, ഭരണഭാഷാ നൈപുണ്യം, കേട്ടെഴുത്ത്, മലയാളം ശൈലി തുടങ്ങിയ വിഷയങ്ങളെ ബന്ധപ്പെട്ടായിരുന്നു മത്സരം. സെന്റര്‍ ഫോര്‍ ഗാന്ധിയന്‍ സ്റ്റഡീസ് സംസ്ഥാന ജനറല്‍ സെക്രട്ടറി ജി.ആര്‍ കൃഷ്ണകുമാര്‍ പ്രശ്‌നോത്തരി നയിച്ചു.
ജില്ലാ ഇന്‍ഫര്‍മേഷന്‍ ഓഫിസര്‍ സി അജോയ്, ജൂനിയര്‍ സൂപ്രണ്ട് നിര്‍മല്‍കുമാര്‍ തുടങ്ങിയവര്‍ സംസാരിച്ചു. എല്‍.ആര്‍ സെക്ഷനിലെ മായ എസ്, വൈ.ഡി റോബിന്‍സണ്‍ ഡിക്രൂസ് എന്നിവര്‍ യഥാക്രമം ഒന്നും രണ്ടും സ്ഥാനങ്ങള്‍ നേടി. എന്‍ സെക്ഷനിലെ ആര്‍ ഹരീഷിനാണ് മൂന്നാം സ്ഥാനം.