എടച്ചേരി: കാര്‍ത്തികപ്പള്ളിയില്‍ പ്രവര്‍ത്തിക്കുന്ന വോയിസ് ഓഫ് എളങ്ങോളിയുടെ ആഭിമുഖ്യത്തില്‍ മെഗാ മെഡിക്കല്‍ എക്‌സ്ബിഷന്‍ സംഘടിപ്പിക്കുന്നു. വടകര ബ്ലോക്ക് പഞ്ചായത്ത്, ഏറാമല ഗ്രാമപഞ്ചയത്ത്, തണല്‍ വടകര എന്നിവയുടെ സഹകരണത്തോടെ സംഘടിപ്പിക്കുന്ന എക്‌സിബിഷന്‍ 2017 ജനവരി 5, 6, 7, 8 തിയതികളില്‍ ഓര്‍ക്കാട്ടേരി കമ്മ്യൂണിറ്റി ഹാളില്‍ നടക്കും. ഇതോടനുബന്ധിച്ച് സൗജന്യ കിഡ്‌നി രോഗനിര്‍ണയ ക്യാംപും നടത്തും.
ആദ്യഘട്ടമെന്ന നിലയില്‍ ഓര്‍ക്കാട്ടേരി കെ.കെ.എം ജി.വി.എച്ച്.എസ്.എസില്‍ നടന്ന കിഡ്‌നി രോഗ നിര്‍ണയ ക്യാംപ് ഏറാമല ഗ്രാമപഞ്ചയത്ത് പ്രസിഡന്റ് എം.കെ ഭാസ്‌കരന്‍ ഉദ്ഘാടനം ചെയ്തു. പി.ടി.എ പ്രസിഡന്റ് പറമ്പത്ത് പ്രഭാകരന്‍ അധ്യക്ഷനായി.