കൊച്ചി: സി.ഐ.ടി.യു എറണാകുളം ജില്ലാപ്രസിഡന്റ് കെ.എന്‍ ഗോപിനാഥിന് കുത്തേറ്റു. യൂബര്‍ ടാക്‌സികള്‍ക്കെതിരെ ജില്ലയിലെ ഓട്ടോറിക്ഷാ തൊഴിലാളികള്‍ നടത്തിയ സമരം പാലാരിവട്ടം ജങ്ഷനില്‍ ഉദ്ഘാടനം ചെയ്തശേഷം നടന്നുപോകുമ്പോഴായിരുന്നു കുത്തേറ്റത്.

കഴുത്തിന് പിന്നിലാണ് കുത്തേറ്റത്.ഉടന്‍തന്നെ മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു. ഐ.സി.യുവില്‍ പ്രവേശിപ്പിച്ചിരിക്കുകയാണ്. ഞരമ്പിന് കുത്തേറ്റതായാണ് വിവരം. ശസ്ത്രക്രിയ ഉടന്‍വേണ്ടിവരുമെന്നാണ് ആശുപത്രി വൃത്തങ്ങള്‍ നല്‍കുന്ന സൂചന.

സംഭവവുമായി ബന്ധപ്പെട്ട് ഒരാളെ പൊലിസ് പിടികൂടിയിട്ടുണ്ട്. ഇയാള്‍ മാനസികരോഗിയാണെന്ന് പറയപ്പെടുന്നു.