വളാഞ്ചേരി: സമസ്ത പ്രസിഡന്റായിരുന്ന സയ്യിദ് അബ്ദുറഹിമാന്‍ ഇമ്പിച്ചിക്കോയ തങ്ങള്‍ ഹൈദറൂസി അല്‍ അസ്ഹരിയുടെ ഒന്നാമത് ആണ്ടുനേര്‍ച്ചയും അനുസ്മരണ സമ്മേളനവും നാളെ കൊളമംഗലം ജുമാമസ്ജിദിനു സമീപം നടക്കും. വൈകിട്ട് നാലിന് അനുസ്മരണ സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
വടുതല മൂസ മുസ്‌ലിയാര്‍ അധ്യക്ഷനാകും. സ്മരണിക പ്രകാശനം മന്ത്രി കെ.ടി ജലീല്‍ നിര്‍വഹിക്കും. പാണക്കാട് സയ്യിദ് ഹമീദലി ശിഹാബ് തങ്ങള്‍, സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയര്‍, തൊടിയൂര്‍ മുഹമ്മദ്കുഞ്ഞി മൗലവി, ആബിദ് ഹുസൈന്‍ തങ്ങള്‍ എം.എല്‍.എ, മുനീര്‍ ഹുദവി പങ്കെടുക്കും.
രാവിലെ 10ന് കൂട്ടസിയാറത്തിനു മലപ്പുറം ഖാസി ഒ.പി.എം മുത്തുക്കോയ തങ്ങള്‍ നേതൃത്വം നല്‍കും. തുടര്‍ന്നു മൗലിദ് പാരായണവും വൈകിട്ട് മജിലിസുന്നൂറും നടക്കും. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ പ്രാര്‍ഥനയ്ക്കു നേതൃത്വം നല്‍കും.