കോഴിക്കോട്: തിരുവനന്തപുരത്ത് ആറാം പ്രവര്‍ത്തി ദിവസമായ ശനിയാഴ്ച ക്ലസ്റ്റര്‍ ബഹിഷ്‌കരിച്ച് പ്രകടനം നടത്തിയ അധ്യാപകര്‍ക്കെതിരേ കള്ളക്കേസ് ചുമത്തി ദ്രോഹിക്കുന്ന സര്‍ക്കാര്‍ നടപടിയില്‍ പ്രതിഷേധിച്ച് സംയുക്ത അധ്യാപക ജില്ലാ സമിതിയുടെ ആഭിമുഖ്യത്തില്‍ പ്രതിഷേധ പ്രകടനവും പൊതുയോഗവും സംഘടിപ്പിച്ചു.
കിഡ്‌സണ്‍ കോര്‍ണറില്‍ നടന്ന പൊതുയോഗം കെ.പി.എസ്.ടി.എ സംസ്ഥാന വൈസ് പ്രസിഡന്റ് പറമ്പാട്ട് സുധാകരന്‍ ഉദ്ഘാടനം ചെയ്തു. കെ.പി.എസ്.ടി.എ ജില്ലാ സെക്രട്ടറി പി.കെ അരവിന്ദന്‍ അധ്യക്ഷനായി. കെ.എസ്.ടി.യു സംസ്ഥന സെക്രട്ടറി പി.കെ അസീസ്, കെ.എ.ടി.എഫ് ജില്ലാ സെക്രട്ടറി പി. മുഹമ്മദ് അലി, കെ.എസ്.ടി.യു ജില്ലാ സെക്രട്ടറി കെ.എം.എ നാസര്‍, സലാം കല്ലായി (കെ.എച്ച്.എസ്.ടി.യു), കെ.എച്ച്.എസ്.ടി.എ സംസ്ഥാന സെക്രട്ടറി എന്‍. ശ്യാംകുമാര്‍, പി. സാജിത്, പി. ബാവക്കുട്ടി പ്രസംഗിച്ചു.