കോഴിക്കോട്: എ.ബി.വി.പി മര്‍ദനത്തിനിരയായ ജെ.എന്‍.യു വിദ്യാര്‍ഥി നജീബ് അഹ്മദിന്റെ തിരോധാനത്തിന് ഉത്തരവാദികളെ നിയമത്തിന് മുന്നില്‍ കൊണ്ടുവരണമെന്നാവശ്യപ്പെട്ടു കൊണ്ട് എസ്.ഐ.ഒ നജീബ് ദിനം ആചരിച്ചു. ഇന്ത്യയില്‍ വര്‍ധിച്ചുവരുന്ന മുസ്‌ലിം വേട്ടയുടെ മറ്റൊരു ഉദാഹരണമാണ് നജീബ്.
നജീബിന്റെ ഉമ്മ നടത്തിക്കൊണ്ടിരിക്കുന്ന സമരപോരാട്ടങ്ങളെ മര്‍ദനമുറകള്‍ ഉപയോഗിച്ച് തടയാന്‍ ശ്രമിക്കുന്നത് ഭരണകൂടം കുറ്റവാളികള്‍ക്കൊപ്പമാണ് എന്നാണ് തെളിയിക്കുന്നത്.
'നജീബ് ഡേ' എന്ന തലക്കെട്ടില്‍ ജില്ലയിലെ കാംപസുകളിലും ഏരിയാ കേന്ദ്രങ്ങളിലും പ്രകടനങ്ങള്‍, പ്രതിഷേധക്കൂട്ടായമകള്‍, ലഘുലേഖ വിതരണം തുടങ്ങിയ വ്യത്യസ്ത പരിപാടികള്‍ നടന്നു. കോഴിക്കോട് ബസ് സ്റ്റാന്‍ഡ് പരിസരത്ത് നടന്ന പ്രതിഷേധ കൂട്ടായ്മ എസ്.ഐ.ഒ സംസ്ഥാന സെക്രട്ടറി തൗഫീഖ് മമ്പാട് ഉദ്ഘാടനം ചെയ്തു.
നഈം ഗഫൂര്‍, ഇ.കെ റമീസ്, അസ്‌ലഹ് കക്കോടി സംസാരിച്ചു.