തളിപ്പറമ്പ്: ദേശീയപാതയില്‍ കുപ്പം പാലത്തില്‍ ലോറി കുടുങ്ങി ഗതാഗതം സ്തംഭിച്ചു. ഇന്ന് പുലര്‍ച്ചെ അഞ്ച് മണിയോടെ കൂറ്റന്‍ ടാങ്കുമായി പോകുന്ന ലോറി പാലത്തിന്റെ ആര്‍ച്ചില്‍ തട്ടി നില്‍ക്കുകയായിരുന്നു. ഇതിനെ തുടര്‍ന്ന് ഇതുവഴിയുള്ള വാഹനഗതാഗതം പൂര്‍ണമായും തടസപ്പെട്ടു. കുറ്റിക്കോല്‍ വരെ നീളുന്ന വാഹനങ്ങളുടെ നീണ്ട നിര തുടരുകയാണ്. പൊലിസും അഗ്നിശമനസേനയും സ്ഥലത്ത് ഉണ്ട്.