കുമ്പള: വില്‍പനയ്ക്കായി കൊണ്ടുവന്ന 880 ഗ്രാം കഞ്ചാവുമായി മധ്യവയസ്‌കനെ എക്‌സൈസ് സംഘം പിടികൂടി. മഞ്ചേശ്വരത്തെ അഷ്‌റഫ് (43)നെയാണ് കുമ്പള എക്‌സൈസ് ഇന്‍സ്‌പെക്ടര്‍ റോബിന്‍ ബാബുവിന്റെ നേതൃത്വത്തില്‍ പിടികൂടിയത്. ഇന്നലെ രാവിലെ ആറോടെ മഞ്ചേശ്വരം ദേശീയപാതയോരത്തെ മെഴ്‌സി ഹാളിനു സമീപത്തു വച്ചാണു പിടികൂടിയത്.
രഹസ്യവിവരം ലഭിച്ചതിനെ തുടര്‍ന്നാണ് എക്‌സൈസ് റെയ്ഡ് നടത്തിയത്. റോഡരകിലൂടെ സംശയാസ്പദമായി നില്‍ക്കുന്ന ആളെ പിടികൂടി പരിശോധിച്ചപ്പോഴാണ് കൈയിലുണ്ടായിരുന്ന പ്ലാസ്റ്റിക് കവറില്‍ കഞ്ചാവ് കണ്ടെത്തിയത്.
അസിസ്റ്റന്റ് എക്‌സൈസ് ഇന്‍സ്‌പെക്ടര്‍ എം.സി ബാബുരാജ് സിവില്‍ എക്‌സൈസ് ഓഫിസര്‍മാരായ പ്രജിത്ത് കുമാര്‍, സജിത്ത്, നൗഷാദ്, പ്രജിത്ത്, രാജീവന്‍ എന്നിവര്‍ അന്വേഷണ സംഘത്തില്‍ ഉണ്ടായിരുന്നു.