മേപ്പാടി: മാനേജ്‌മെന്റ് അനധികൃതമായി എസ്റ്റേറ്റ് ലോക്കൗട്ട് ചെയ്തതിനെതിരേ സത്യഗ്രഹ സമരം നടത്തുന്ന ചെമ്പ്ര എസ്റ്റേറ്റ് തൊഴിലാളികള്‍ക്ക് കെ.എസ്.യു പിന്തുണ പ്രഖ്യാപിച്ചു. എസ്റ്റേറ്റ് മാനേജ്‌മെന്റ് യാതൊരു തരത്തിലുള്ള നടപടികള്‍ സ്വീകരിക്കുന്നില്ലെന്നും കഴിഞ്ഞ മാസത്തെ ശമ്പളം ഇതുവരെ വിതരണം ചെയ്തിട്ടില്ലാത്തതിനാല്‍ തൊഴിലാളികള്‍ മുഴുപട്ടിണിയിലാണെന്നും എസ്റ്റേറ്റ് സംയുക്തസമര സമിതി അറിയിച്ചു. ഇത്തരത്തില്‍ മുന്നോട്ടുപോയാല്‍ ഉപജീവനത്തിനായി എസ്റ്റേറ്റ് കൈയേറുക മാത്രമാണ് വഴിയെന്ന് തൊഴിലാളികള്‍ മുന്നറിയിപ്പ് നല്‍കി.