പെരുമ്പാവൂര്‍: വാഴക്കുളം ബ്ലോക്കിലെ കൃഷിഭവനുകള്‍ വഴിയുള്ള പച്ചതേങ്ങല(നാളികേരം) സംഭരണ പദ്ധതിയുടെ ഭാഗമായി വാഴക്കുളം കൃഷിഭവനില്‍ നാളികേര സംഭരണം ആരംഭിക്കും.
ഇതിന്റെ ആദ്യപടിയായി വാഴക്കുളം, കീഴ്മാട്, ചൂര്‍ണിക്കര, എടത്തല, കിഴക്കമ്പലം, വെങ്ങോല എന്നീ പഞ്ചായത്തുകളുടെ പരിധിയില്‍ വരുന്ന കര്‍ഷകര്‍ അതാത് പഞ്ചായത്തിലെ കൃഷി ഓഫീസറുമായി ബന്ധപ്പെട്ട് രജിസ്റ്റര്‍ ചെയ്ത് രജിസ്‌ട്രേഷന്‍ കാര്‍ഡ് കൈപ്പറ്റേണ്ടതാണ്.

സ്വാഗതസംഘം ഓഫിസ് ഉദ്ഘാടനം നാളെ

ആലുവ: സമസ്ത എറണാകുളം ജില്ല കോര്‍ഡിനേഷന്‍ കമ്മിറ്റി ഡിസംബര്‍ 23 വെള്ളിയാഴ്ച വൈകുന്നേരം 4.30 ന് ആലുവ തോട്ടുംമുഖം എന്‍.കെ ഓഡിറ്റോറിയത്തില്‍ സംഘടിപ്പിക്കുന്ന മദ്ഹുറസൂല്‍ സംഗമവും സ്വലാത്ത് മജ്‌ലിസിന്റേയും സ്വാഗതസംഘം ഓഫീസ് ഉദ്ഘാടനം നാളെ വ്യാഴം രാവിലെ 10 മണിക്ക് ആലുവ കുട്ടമശ്ശേരി സമസ്ത കാര്യാലയത്തില്‍ ജില്ലാ ഉപാധ്യക്ഷന്‍ സയ്യിദ് ഷറഫുദ്ദീന്‍ തങ്ങള്‍ നിര്‍വഹിക്കും. സമസ്തയുടേയും കീഴ്ഘടകങ്ങളുടേയും ജില്ലാ നേതാക്കള്‍ സംബന്ധിക്കും.