ചേര്‍ത്തല: ഓള്‍ കേരള ഫോട്ടോഗ്രഫേഴ്‌സ് അസോസിയേഷന്‍ ജില്ലാ സമ്മേളനം ഇന്ന് പൊതുസമ്മേളനത്തോടെ സമാപിക്കും. ഇന്നലെ നടന്ന പ്രതിനിധി സമ്മേളനം സംസ്ഥാന പ്രസിഡന്റ് പി.വി.ബാലന്‍ ഉദ്ഘാടനം ചെയ്തു.
ജില്ലാ പ്രസിഡന്റ് സി.സി.ബാബു അധ്യക്ഷതവഹിച്ചു. എം.ജി.രാജു, ആര്‍.കെ.ഉണ്ണിത്താന്‍, എന്‍.ഹരിലാല്‍, സജീര്‍ ചെങ്ങമ്മനാട്, വി.എച്ച്.സുഖാദിയ ദാസ്, കെ.ജി.മുരളി, സന്തോഷ്, എന്‍.വിജയനാഥ്, ബെയ്‌ലി ജോര്‍ജ് എന്നിവര്‍ പ്രസംഗിച്ചു. ഇന്ന് രാവിലെ ഒന്‍പതിന് ചേര്‍ത്തല എന്‍എസ്എസ് ഓഡിറ്റോറിയത്തില്‍ നടക്കുന്ന ഫോട്ടോ പ്രദര്‍ശനം ഡിവൈ.എസ്.പി വൈ.ആര്‍.റസ്റ്റം ഉദ്ഘാടനം ചെയ്യും.
9.30ന് ട്രേഡ് ഫെയറിന്റെ ഉദ്ഘാടനം നഗരസഭ വൈസ് ചെയര്‍പഴ്‌സണ്‍ ശ്രീലേഖ നായര്‍ നിര്‍വ്വഹിക്കും.
പത്തിന് സാംസ്‌കാരിക സമ്മേളനം ജില്ലാ പഞ്ചായത്ത് വൈസ് പ്രസിഡന്റ് ദലീമ ജോജോ ഉദ്ഘാടനം ചെയ്യും. ജില്ലാ വൈസ് പ്രസിഡന്റ് സാനു ഭാസ്‌കര്‍ അധ്യക്ഷത വഹിക്കും. വൈകിട്ട് മൂന്നിന് മന്ത്രി പി.തിലോത്തമന്‍ പൊതുസമ്മേളനം ഉദ്ഘാടനം ചെയ്യും.
ജില്ലാ പ്രസിഡന്റ് സി.സി.ബാബു അധ്യക്ഷതവഹിക്കും. എ.എം.ആരിഫ് എംഎല്‍എ ദൃശ്യപ്രതിഭാ പുരസ്‌കാര സമര്‍പ്പണം നടത്തും.
കേശവപിള്ള സ്മാരക ഫൊട്ടോഗ്രഫി അവാര്‍ഡ് വിതരണം നഗരസഭാധ്യക്ഷന്‍ ഐസക് മാടവന നടത്തും.
ജില്ലാ കമ്മിറ്റി ഭാരവാഹികളായി സാനു ഭാസ്‌കര്‍ (പ്രസി.), ബി.ആര്‍.സുദര്‍ശനന്‍, പി.വി.തങ്കച്ചന്‍(വൈ.പ്രസി.), സന്തോഷ് ഫൊട്ടോവേള്‍ഡ് (സെക്രട്ടറി), പ്രസാദ് ചിത്രാലയ, ആര്‍.ഉദയന്‍ (ജോയിന്റ് സെക്രട്ടറി), എന്‍.വിജയനാഥ് (ട്രഷറര്‍) എന്നിവരെ സമ്മേളനം തെരഞ്ഞെടുത്തു.