കരുനാഗപ്പള്ളി: കെട്ടിട നിര്‍മാണ തൊഴിലാളികളുമായി പോയ ലോറിയില്‍ മറ്റൊരു വാഹനം ഇടിച്ചു ഡ്രൈവര്‍ ഉള്‍പ്പെടെ രണ്ടുപേര്‍ക്ക് ഗുരുതര പരുക്ക്. പരുക്കേറ്റവരെ ആലപ്പുഴ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
കഴിഞ്ഞ ദിവസം പുലര്‍ച്ചെ 7.30 ന് വവ്വാക്കാവിന് വടക്ക് ദേശീയപാതയില്‍ ചങ്ങന്‍കുളങ്ങര കണ്ണാശുപത്രിക്ക് സമീപമായിരുന്നു അപകടം. േകുലശേഖരപുരം നീലികുളം ചെറുവള്ളി തെക്കതില്‍ സുനിലിന്റെ 10 ഓളം വരുന്ന തൊഴിലാളികളായിരുന്നു ലോറിയില്‍ ഉണ്ടായിരുന്നത്. ഇവര്‍ അടൂരില്‍ കെട്ടിടം കോണ്‍ക്രീറ്റ് പണിക്കായി പോകുകയായിരുന്നു. ആലപ്പുഴ ഭാഗത്ത് നിന്നും കൊല്ലത്തേക്ക് പോവുകയായിരുന്ന റക്കവറി വാന്‍ ഓവര്‍ ടേക്ക് ചെയ്ത് വന്ന് ലോറിയില്‍ ഇടിക്കുകയായിരുന്നു. അപകടത്തെ തുടര്‍ന്ന് ദേശീയ പാതയില്‍ ഒരു മണിക്കൂറോളം ഗതാഗതം സ്തംഭിച്ചു. കരുനാഗപ്പള്ളിയില്‍ നിന്ന് ഫയര്‍ഫോഴ്‌സും ഓച്ചിറ പൊലിസും എത്തി രക്ഷാപ്രവര്‍ത്തനം നടത്തി.