അടിമാലി: രാത്രിയില്‍ വീട്ടില്‍ കയറി മോഷണം നടത്താന്‍ ശ്രമിച്ച യുവാവിനെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു.കല്ലാര്‍കുട്ടി ഇഞ്ചപ്പതാല്‍ സത്യവിലാസം സൂരജ് ( 23)നെയാണ് നാട്ടുകാര്‍ പിടികൂടി പൊലിസില്‍ ഏല്‍പ്പിച്ചത്.
ചൊവ്വാഴ്ച രാത്രി അടിമാലി വള്ളപ്പടി പണ്ടാരനിലത്ത് സോമന്റെ വീട്ടിലാണ് സൂരജ് മോഷണത്തിന് ശ്രമിച്ചത്.രാത്രിയില്‍ വീടിനുളളില്‍ കയറി അലമാര തുറന്നു.ശബ്ദം കേട്ട് വീട്ടുകാര്‍ എഴുന്നേറ്റതോടെ സൂരജ് ഇവിടെ നിന്നും രക്ഷപെട്ടു.
തുടര്‍ന്ന് നാട്ടുകാര്‍ നടത്തിയ തെരച്ചിലില്‍ ഇയാളെ പിടികൂടുകയായിരുന്നു. കൊല്ലം കൊട്ടിയത്ത് നിന്നും ആറ് മാസം മുന്‍പാണ് സൂരജ് ഇവിടെ താമസമാക്കിയത്.കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു