കോട്ടയം: പാത്താമുട്ടം സെയ്ന്റ് ഗിറ്റ്‌സ് ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് സംഘടിപ്പിക്കുന്ന ഫെസ്റ്റ് സിംതെസിസ് 11,12 തീയതികളിലായി കോളജില്‍ നടക്കും. ബെസ്റ്റ് മാനേജര്‍, ബെസ്റ്റ് മാനേജ്‌മെന്റ്, ബിസിനസ് പ്ലാന്‍, മാര്‍ക്കറ്റിങ് ഗെയിം,ബിസിനസ് ക്വിസ് എന്നിവയാണ് പ്രധാന മത്സരങ്ങള്‍.
50 കോളജില്‍ നിന്നുള്ള വിദ്യാര്‍ഥികള്‍ മത്സരത്തില്‍ പങ്കെടുക്കും. നാളെ രാവിലെ 10ന് സെവന്‍സ്ട്രാറ്റാ ഐറ്റി കമ്പനിയുടെ സ്ഥാപകനായ ജോര്‍ജ് സക്കറിയ ഫെസ്റ്റ് ഉദ്ഘാടനം ചെയ്യും. സെയിന്റ് ഗിറ്റ്‌സ് ഗ്രൂപ്പ് ഓഫ് പ്രൊഫഷണല്‍ ഇന്‍സ്റ്റിറ്റിയൂഷന്‍സ് ഡയറക്ടര്‍ തോമസ് ടി. ജോണ്‍ അധ്യക്ഷത വഹിക്കും.
പ്രിന്‍സിപ്പല്‍ ഡോ.എം.സി ഫിലിപ്പോസ് , ഡോ.റോജി ജോര്‍ജ് എന്നിവര്‍ സംസാരിക്കും.അസിസ്റ്റന്റ് പ്രൊഫ. സുബ്രമണ്യം കെ. സിറിയക്ക് ജോസ്, വിദ്യാര്‍ഥി പ്രതിനിധികളായ ജിതിന്‍ ജോര്‍ജ്, ലക്ഷ്മിപ്രിയ നായര്‍ തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.