മലപ്പുറം: പൈതൃകബോധം അടയാളപ്പെടുത്തുക എന്ന പ്രമേയത്തില്‍ എസ്.കെ.എസ്.എസ്.എഫ് ത്വലബ വിങ് സംസ്ഥാന കമ്മിറ്റി സംഘടിപ്പിക്കുന്ന സ്റ്റുഡന്‍സ് അക്കാദമിക് കോണ്‍ഫറന്‍സ് നവംബര്‍ 12 ശനിയാഴ്ച മലപ്പുറത്ത് നടക്കും. തിരഞ്ഞെടുക്കപ്പെട്ട വിദ്യാര്‍ഥികളുടെ പ്രബന്ധാവതരണം പ്രമുഖരുടെ സാന്നിധ്യത്തില്‍ നടക്കും. നേരത്തെ തൃശൂരില്‍ നടത്താനിരുന്ന പരിപാടിയാണ് കാലത്ത് 8.30 മുതല്‍ വൈകിട്ട് 5 വരെ മലപ്പുറം സുന്നി മഹലില്‍ നടക്കുന്നത്.
ഇതോടനുബന്ധിച്ച് നടന്ന യോഗത്തില്‍ സി.പി ബാസിത് തിരൂര്‍ അധ്യക്ഷനായി. ജുറൈജ് കണിയാപുരം,ഫായിസ് നാട്ടുകല്‍, ലത്തീഫ് പാലത്തുങ്കര, ഹബീബ് വരവൂര്‍, അനീസ് കൊട്ടത്തറ, ഷാനവാസ് ഇടുക്കി പ്രസംഗിച്ചു. ഉവൈസ് പതിയാങ്കര സ്വാഗതവും സഅദ് വെളിയങ്കോട് നന്ദിയും പറഞ്ഞു.